கிழக்கு மாகாணம் உள்ளடங்களாக வட மத்திய மாகாணம், ஊவா மாகாணம், வட மாகாணம் ஆகிய நான்கு மாகாணங்களிலும் இத்திட்டமானது நடைமுறைப்படுத்தப்படவுள்ளது.
கிழக்கு மாகாணத்தில் இயங்குகின்ற 45 உள்ளூராட்சி மன்றங்களின் சேவை வழங்கும் திறனை விருத்தி செய்து, அதனூடாக மக்களுக்கு சிறந்த சேவையை வழங்கக் கூடிய இயல்பு நிலையை உருவாக்கும் வகையில் இத்திட்டம் அமையப் பெறவுள்ளது. அவ்வடிப்படையில் செயற்றிட்ட ஆரம்ப நிகழ்வைத் தொடர்ந்து, கிழக்கு மாகாண அனைத்து உள்ளூராட்சி மன்ற தவிசாளர்கள், செயலாளர்கள் மற்றும் மேற்படி செயற்றிட்டத்திற்காக சபை ரீதியில் உருவாக்கப்பட்டுள்ள செயற்றிட்ட குழுவினருக்கான விழிப்புணர்வு பயிற்சிப்பட்டறையும், செயற்றிட்டம் தொடர்பாக விளக்கமளிக்கும் நிகழ்வும் அன்றைய தினம் இடம்பெற்றது.
